غموضي

أنا مش ساذجة ولا عبيطة

و سكوتي معرفش ليه مسبب ريبة

الناس كلها مستغربة و متعرفش أزاي تبقي مني قريبة

مع أني لا باكل و لابعض

و يدوب حتي بفك الخط

خط الدنيا مش خط اليد

لكن رغم كل شئ بقدر أحس بكل حرف و كل نقطة بتترسم ع السطر

و أقدر كمان أحفظ ملامح كل كلمة و كل شخص

حتي لو مرة صدفة قابلته علطول اللغز يتفك

شقية يمكن بس بسيطة لأبعد حد

وكمان بحب الحرية زي أسمي و بحب أعد النجوم و دايماً بنسي الوقت

و بحب أوي شكل البحر في هدوءه

و يا سلام ف مركب تمشي بيا علي موجه

و أبص منها ع الطيور في وقت شروق الكون و غروبه

و لما يجي الليل يليل بحب أشوف ضحكة القمر

ونجمة كده جمعني في يوم بيها القدر

أما عن ادعاء الهدوء و السكون ف دي فلسفة فارغة

المفروض ما يخدش ف باله منها حد